كل واحد يقول إيه ذكراته مع الحوادث
إمته أخر مره خبطت العربيه
ومين كان غلطان
وكلفتك كام تصليح
كل واحد يحكي بخياله
وربنا يحفظنا كلنا ياااااااااارب
ولو لقيت تفاعل في الموضوع
هاقولكم على تجاربي العظيمه مع الحوادث
كل واحد يقول إيه ذكراته مع الحوادث
إمته أخر مره خبطت العربيه
ومين كان غلطان
وكلفتك كام تصليح
كل واحد يحكي بخياله
وربنا يحفظنا كلنا ياااااااااارب
ولو لقيت تفاعل في الموضوع
هاقولكم على تجاربي العظيمه مع الحوادث
اللون الاحمر مخصص للادارة حازر قد تتعرض للايقاف
ياراجل طيب مكنتش أعرف حالا أغيرهاقتباس:
المشاركة الأصلية كتبت بواسطة tarek_2005
شكرا عالتنبيه
ها فين ذكرياتك مع الحوادث
ولا عمرك معملت حوادث ؟
ربنا يكفيك الشر بس محبش افتكرهم وهما 3 حوادث من اكبر الحوادث وكانوا علي سرعات بطيئة لم اتعدي 60 كم / ساعة بس كانت اخطاء غيير وتلف اجزاء في السيارة
(( مثلاً )) كسر في عمود الاسكاترا بتاع سيارتي ال 127 علي منزل كوبري بولاق الدكرور الي بينزل لجامعة الدول ومش هقول الباقي ولا ايه الي حصل ممكن تخمنه
الثانية
تبقي ماشي في حالك وتلاقي عربية جيب رانجلر طايرة في الهواء وتسقط بسقفها علي كبوت سيارتك ال 127 بردوا
الثالثة
بالسيارة ال 127 بردوا ومحبش افتكرها
هههههههههههههههههاقتباس:
المشاركة الأصلية كتبت بواسطة tarek_2005
ياخبر إسوح دنا طلعت غلبان بقه في الحوادث بتاعتي
بص هاقولك حاجه
أكيد مفيش حد يحب يفتكر اللحظات دي
بس إحنا بنقولها علشان نستفيد من أخطائنا وأخطاء غيرنا ومش نكررها
أنا دلوقت مش عارف أعدل اللون الأحمر ده ربنا يستر بقه ومحدش ياخدني مخالفة مرور في المنتدى
هههههههههههههه
أنا كل تجاربي في الحوادث تجربتين
والإتنين بصراحه كنت سرحان فيهم وأعتبر أنا الغلطان
والإتنين حوادث خبط في مقدمة العربيه
عربيتي دايو لانوس 1
المره الأولى كنت ماشي سرحان وعربيه فورد من الكبيره قوي دي
بتعدل نفسها وطالعه بضهرها من شارع جانبي
إييييييييييييييء هوب لبست فيها بالفانوس الشمال
هو محصلوش أي حاجه
ودي كنت فيها أنا الغلطان وهو كمان غلطان
وتقاسمنا تكاليف التصليح
المره التانيه برضو كنت سرحان وماشي بسرعه في شارع هادي
وماشي وأنا باصص في المرايا إللي فوق
وفجأه لقيت الطريق قدامي واقف
إييييييييييييييء هوب لبست في العربيه إللي قدامي
ولحسن حظي كانت عربيه نص نقل من العليا من ورا دي
المهم ضاعو فانوسين وكبوت والإزاز الأمامي
وهو برضو محصلوش أي حاجه
نزل شاف الوضع عندي ضرب كف على كف ومطقش كلمه وركب عربيته ومشي
بس خلاص
أخطر حاجه في السواقه
إنك تكون سايق من غير هدف ودماغك مشغوله بحاجه تانيه
هاتلبس يعني هاتلبس
^_^
1- مرة كنت سرحان وانا سايق بس على سرعة هادية جدا ولبست فى نوبيرا 1
2- كنت سايق فى طريق مكسر ودوست شوية واحد بتاع موتسكل خد المراية الشمال فى وشة
3- دى بقى كنت ماشى تقريبا 90 وبعدين فى منحنى جامد جدا واقبل المنحنى مطلع عالى قوى وبعد المطلع نازل قوى
المهم طرت من فوق المطلع ده وصباح العومان العربية خدتنى ونزلت الزراعة وكنت هتقلب لما نخلة اللى سندتنى
ولبست كمان فى شجرة زيتون وشجرة فيقص
بس انا اللى غلطان لانى عاطى الطريق اكتر من حقة
واضح إنك متسرع ومتهوراقتباس:
المشاركة الأصلية كتبت بواسطة a333
ربنا يحفظك ياباشا
وكويس إنك معانا دلوقت وبنتكلم
^_^
اه فعلا انا متسرع وساعة اكون مضايق بكون متهور جدا
اكبر حادثه في حياتي غيرتلي حياتي
كنت نازل المنصورة مع صديق نجيب حاجات وكده وواحنا راجعين كان يوم حر وقرف قالي اسوق قلتله ماشي واول مرة اقوله ماشي واسيبه يسوق هو كان مطلع رخصه من قبلي ب 3 شهور بس انا بسوق من قبله بكتير
وطبعا طول الطريق وانا رايح ماشي 100 و 120 وطاير وحافظ الطريق وركبته كتيييير جدا وكمان عربيتي وانا ادرا بيها وفاهمها
هو بقا زي ماتقول وهو راجع (انا كنت نمت علي فكرة) هو بقا وهو راجع تقريبا اول ما مسك طريق المحله المنصورة طار عايز يقلدني العربيه عامت بينا معرفش يعمل اي حاجه صحيت وهي بتعوم مننا واغمي علياه وصحيت وهياه بتترمي برة الطريق ف الزراعي وبتدخل ف سن بتاع بيارة واغمي علياه وصحيت بعدها وانا مرمي علي الارض مطلعيني من العربيه حسيت بوجع فظيع ف دراعي وف رجلي التانيه المقابله للجه التانيه قمت مزعق فيهم كلهم قلتلهم ابعدوا محدش يلمس ايدي ولا دراعي دول
واتنهي الموضوع بمسمار في عضمه الحوض وشريحه ومسامير في دراعي الي قلت عليه من شويه 8 مسامير وعمري ما هرجع تاني زي الاول وحياتي كلها اتغيرت نصيحه متخليش حد يحط رجله ف عربيتك ونصيحه متامنش ل حد سايق عربيتك او غير عربيتك xD
ربنا يكفيني ويكفيكم الحوادث يارب وبالزات الحوادث القويه الي زي دي
(معلومه العربيه زي الافلام اتقلبت مرتين علي ظهرها ومرة بالجمب وكانت عربيه 128 وطبعا اتباعت زي ما هياه بالظبط مصلحتش فيها اي حاجه
الحادثه التانيه كانت قبل الاولي
كانت برضه ب ال128
ولسه مغير التيل الفرامل ومعدل ف العفشه وكده وطبعا كنت لا افقه شئ في التخمس او بمعني اصح خمست بس كانت عيب تقدير ف السرعه مع التيل جديد وشديد ف دخلت ف رصيف كنت بحاول اخمس xD (تهور شباب بقا) من دون علم
غيرت ف الصدر جمبين ورفرفين وكده واتعملت بزراجين عن صنايعي عشرة علي عشرة كان معرفه برده واتلمت
(خليتنا نفضفض بفضايح بس عادي كنا صغيرين وكلنا لينا الغلطه دي)
مره كنت بخمس لبست في رصيف
المره التانيه باخد غرزه ولسه راجع من الحرفيين برش الاكصدام الي قدام المهم تنحت معايا انا وميكروباس روحت واخد الغرزه من قدامه غصب عنه وبوزلي الرفرف والاكصدام الي ورا
الحادثه الي شنيعه بقى كنت ماشي بسرعه وعايز ادخل دخله 6 اكتوبر من طريق الواحات فهديت ودخلت من اول حاره شمال وساعتها كانت الرصيف طالع نصه للحاره روحت طالع فوق الرصيف العربيه طارت لفوق كده شفت السما الزرقا وراحت نازله تاني مش عايز اتكلم على الخساير
ربنا يسترها علينا انشاء الله
بس الحمد الله معملتش حوادث قبل كدة الحمد الله
هما كام حادثه كده اهمهم ضيعت مينى كوبر بعد مبويا جبهالى و كانت حلم عمرى
الحمد الله
انا كنت ماشى على المحور و انقلبت بيا العربية كنت بحاول افادى واحد بيعدى بس كانت جامدة و اخيرا عملت حادثة تانية قبل بور سعيد بحوالى نص ساعة كنت بشد مع بسات و نا معايا نوبيرا لقيت نفسى لابس فى ترلة كانت وقفة على اللمين جيت امسك فرامل زحفت لحد ما لبست فيها
الحمد لله كلها خرابيش علشان مبحبش الجري الزايد عن اللزوم في اماكن ميتجريش فيها
اكبرهم
كنت مره سايق وسرحان وانا لحد النهارده معنديش مرايات جنب في العربيه وكل ما اجبهم يطلعوا مش مظبوطين ويتكسروا
المهم
كنت ماشي ومخنوق وحدفت شمال راحت عربيه نقل من اللي بتشيل فنطاس الصرف الصحي دي مخربشالي العربيه من اول الفانوس الي ورا لحد الباب بتاعي
غير كده ربنا ساترها والحمد لله
انا منذ شهر ونصف كنت عند النادى الاهلى سمعت صوت واحدة بتصوت صريخ مستمر بطريقة غربية لدرجة ان الناس وانا منهم مش فاهمين حاجة ( بعد وقت عرفنا ان فى واحد بيسرق سيارتها الفيرنا كانت الساعة 10ص) ركنت يعنى فى ربع الشارع عشان اشوف فى اية وناس كتير ركنت زى وبعدين لقيت عربية شاسية كبيرة رجعت عليا بضهرها صاحبها مش فيها عشان كان الحرامى اللى سرق الفيرنا بيحاول يخرج من الزحمة فضل يخبط فى كل السيارات اللى حواليها ومنها الشاسية اللى رجعت عليا النتيجة الزجاج الاماى اتكسر + خبطة فى القايم +خربشة فى الكابوت ( الحمد لله ) العبرة من القصة لازم تأمن فى ركن سيارتك مهما كان وبعدين انزل ساعد او هاتقدر تساعد
ذكرياتي يوم 8/8/2011
لما تريلا دخلت في سبع عربيات و هما مركونين من ضمنهم عربيتي دغدغتهم كلهم :(
يووووووووه كتيييييييير اغلبها اخطاء غير
بس اول حادثه انا عملتها فى حياتى لا يمكن انساها من كااااام سنه
كانت اول عربيه اشترتها فى حياتى ومكونتش معايا رخصه ورايح تانى يوم اخد صاحب العربيه عشان يعملى توكيل
مشيت عكسى فى حته كده تحت كوبرى محرم بك عشان كنت خايف اطلع الكوبرى لانى لسه جديد فى السواقه ساعتها
وعديت المزلقان اللى تحت كوبرى محرم بك عكسى برضه :)
واخدت اول دوران بعد المزلقان وكنت فرحان بقا بالعربيه وداااااااااااااايس ببنزين وانا باخد الدوران ببص لقيت تاكسى بيجو جاى بسرعه اتخضيت فى لحظه لقيت العربيه داخله فى الرصيف وكان الرصيف عالى اوى
طبعا لبست فى الدركسيون ولقيت الكبوت اتفتح وترااااااااب بالهبل طالع من العربيه
وفيه حاجات فى الكبوت طارت بره العربيه نفسى اعرف ازاى
الخساير العجله اللى ادام اتكبست ودخلت فى الكارتيره
الجنط اتعوج
الكاوتش اتقطع نصين بس كان فيه داخلى ففضل واقف
الاسكاترا طبعا اتعوجت
المهم بعد كل ده المفاجأه انى لقيت عسكرى مرور واقف خفت لحسن ظابط معدى يشوفتى ولا العسكرى ياخد نمر العربيه رحت مدور العربيه وماشى بيها كده 50 متر وطبعا الكاوتش مطلع ريحه والدركسيون بيلف بالعافيه
وركنتها جنب الرصيف ورحت جبت صاحبها مشى
اول مشافها كان حيعيط :) هههههههههههههههههههه
بس الموضوع اتصلح ب 80 جنيه عند السمكرى وفرده كاوتش ب 50 جنيه استعمال :)
الله يرحمك يا تفيده ويرحم ايامك كانت نحاسى ميتاليك وفتحه سقف وعتب وكساحات يووووووه
وفيه حادثه تانيه كبيره قبل دى بس مكونتش انا اللى سايق والعربيه اتقلبت بيا انا وصحابى 3 مرات
المكان الكورنيش
الزمان قبل سنه
عربيه فيرنا عومت فى غرزه نطت الجزيره و خبطنا فيس تو فيس
كان ماشى 120 و انا ماشى 60
احسبوها :)))
الحادثه الوحيده
شلت واحد علي كبوت العربيه
كان ماشي بعجله في الشارع مابين مزلقان العرب وجراند مول
انا ماشي 50 او اقل حاجه بسيطه انا في اقصي اليسار وهو في
اقصي اليمين وفي كشك ورد مغرق الارض ميه
الراجل بتاع العجله انا مديله 3 كلاكسات
بص بجنبه واول ما جه طرف الاكصدام جنبه
قام قاطع الشارع بالعرض وقفت فوق الفرامل الميه خلت العربيه
تزحف وهي بتزحف طلعت الراجل بالعجله علي الكبوت من فوق الفانوس اليمين
ووصل بضهره لحد الازاز كسره وخربش التابلوه وعورني بالازاز
ونزل من فوق الفانوس الشمال
والراجل كل اللي فيه مكان كسر الازاز اتعور